Menim zilim Komedi Shou Musiqi: Ramiz Mirişli
Sözlər: İsgəndər Coşqun

Şənliklərin gözü mənəm, gözü mən,
Elin ürək sözü mənəm, sözü mən,
Harada xoş bir nəğmə ötsə, xoş nəğmə,
O nəğmənin özü mənəm, özü mən.

Nəğmələrim quş,
Yuvası könlüm olmuş,
Həyat kainat,
Nəğməylə doğulmuş.

Gül boynunu bükər mənsiz, gül mənsiz,
Tül pərdə də nalə çəkər, tül mənsiz,
Həsrət qalar da nəğmənin dadına
Ağız mənsiz, dodaq mənsiz, dil mənsiz.

Bülbül kimi bəmim həzin, zilim şən,
Ötüb keçən ayım, günüm, ilim şən,
İstərəm, şən günlərində ellərin
Oxuduqca oxuyum mən, güləm mən.