Ватан Шерали Жураев Sherali Juraevning Vatan qo'shig'i yangi uslubda.

VATAN

Sen agar bug'doy boshoq bo'lsang somoningman, Vatan,
Toabad boshing omon bo'lsin, tovoningman, Vatan.

Barcha yaxshi, barcha oqil, barcha dono, faylasuf,
Qimtinib bir chekkada yurgan yomoningman, Vatan.

Chor taraf zulmat, tuman, uvlaydi ming -minglab shoqol,
To sahar gulxan yoqib chiqqan cho'poningman, Vatan.

Barcha jim, tilsiz pisib, mum tishlaganda, xayqirib,
Haq so'zin dor ostida aytgan zaboningman, Vatan.

Bo'lmasin ovvora yov oybolta qayrab qatlima,
Qatl etib o'ldirsa xam o'lmas omoningman, Vatan.

Yurtda Vulqon cho'qqidek boshim bulutlardan baland,
Yov uchun mangu o'tib bo'lmas dovoningman, Vatan!